Воениот извоз на Турција во сојузничкиот Азербејџан се зголеми за шест пати, а продажбата на беспилотни летала и друга воена опрема се искачи на 77 милиони американски долари само минатиот месец пред почетокот на конфликтот во Нагорно Карабах, покажуваат податоците за извозот.
Податоците собрани од Собранието на турските извозници, кои вклучуваат повеќе од 95.000 извозни компании во 61 сектор, покажуваат дека Азербејџан купил одбранбена опрема и опрема за авијација во вредност од 123 милиони долари од Турција во првите девет месеци од 2020 година, објави Ројтерс.
Повеќето беспилотни летала, ракетни фрлачи, муниција и друго оружје пристигнаа по јули, по избувнувањето на граничните судири меѓу ерменските и азербејџанските сили, што ги охрабри Турција и Азербејџан да спроведат заеднички воени вежби.
Податоците покажуваат дека продажбата скокнала од 278.880 долари во јули на 36 милиони во август и 77,1 милиони во септември.