На денешната седница на Собранието на Косово дошло до физичка пресметка меѓу претставниците на владејачката Самоопределување и претставници на опозициските партии, пишуваат косовските медиуми „Косово онлајн“ и „КоССев“.
Додека Курти зборувал за планот за деескалација на Северот, му пришол пратеникот на ПДК Мергим Лиуштак и го полил со вода, пишува КоССев.
Имаше општа тепачка меѓу пратениците, оние кои дојдоа во одбрана на Курти и оние кои скокнале од другата страна.
На кратко видео од директниот пренос се гледа општа турканица во Собранието, а се слуша и кршење на стакло.
A big brawl at #Kosovo Assembly this morning. An opposition MP throws water at PM Kurti, and as ministers try to protect him everyone gets involved in fists and more. pic.twitter.com/0CtZArYZTP
— Xhemajl Rexha (@xhemajl_rexha) July 13, 2023
Се слуша и дека претседателот на косовското Собрание Гљаук Коњуфца повикал полиција.
Директниот пренос од оваа седница потоа беше прекинат.
Според приштинските медиуми, инцидентот се случил за време на говорот на премиерот Курти.
Шефот на пратеничката група на Алијансата за иднината на Косово, Бесник Тахири, претходно ја критикуваше владата за начинот на кој управува со ситуацијата на северот.
Тој побара одговор од премиерот Албин Курти зошто досега не ги следел советите на САД.
„Несомнено, вчерашниот ден е еден од најстрашните денови во историјата на владеењето на нашата земја. Тоа е денот кога владата и ова собрание беа обземени од страв и гнев. Премиере, вчера донесовте одлука да се повлечете по четири месеци експериментирање. После четири месеци откако го ставивте Косово како најсанкционирана земја. По четири месеци загрозување на полицајците. Излезете и кажете зошто го малтретиравте народот и воведовте санкции. Авторитетот ви падна на земја вчера. Мора да излезете овде и да покажете зошто рековте не на САД, отидовте во Братислава и се снајдовте“, наведе Тахири.