Апсолутно не сме против внесувањето на Бугарите во Уставот, ние го кажавме нашиот став, меѓутоа има многу работи во Договорот кои што се основа на сите асимилаторски и негаторски претензии на соседна држава кон нас, вели Никола Мицевски, пратеник и координатор на пратеничката група на ВМРО-ДПМНЕ во Собранието во интервју за РСЕ.
Тој појаснува дека неговата партија не е против „Бугарите и не само против Бугарите, туку и другите за внесување во Уставот“.
– Меѓутоа ние не завршуваме тука со проблемите, еве со отворање на Уставот и внесување на Бугарите, ние имаме одредена преговарачка рамка, каде што билатерален проблем, којшто се појави годиниве од потпишувањето на тој фамозен Договор со Бугарија за добрососедство и соработка се јавува како проблем, вели тој.