Ние во Србија ги сакаме Дончиќ, Драгиќ, Алекси Николиќ и Јаку Блажиќ, сите словенечки репрезентативци, изјави српскиот претседател Александар Вучиќ по самитот на Брдо кај Крањ, кога словенечките новинари го прашаа дали ќе навива за Словенија сега, кога репрезентацијата на Србија отпадна.
„Кај нас постои огромно разочарување и голема тага. Мислиме дека сме најдобри во Европа, а Италија најмалку ни одговара… момците имаа лош ден, исто како и вие кога имате слаб ден против Босна и Херцеговина, едноставно тоа се случува некогаш“, продолжи претседателот и додаде: „Ќе го преболиме тоа и верувам дека ќе ја победиме Словенија и сите други во следните натпреварувања, а сигурно е дека словенечките кошаркари се многу популарни во Србија“, заклучи Вучиќ.