Премиерот Зоран Заев, изрази уверување дека од претстојниот самит ЕУ-Западен Балкан ќе биде испратена порака за проширување на Унијата до земјите од регионот и дека тоа ќе биде дополнителна мотивација за Софија и Скопје да ги реши спорните прашања до крајот на годината.
Заев рече дека очекува дека на самитот во словенечко Брдо кај Крањ, каде што нема да се донесуваат одлуки, генерално ќе се зборува за Западен Балкан, но верува дека „соодветните формулации на зборови и конкретните гестови ќе испратат порака за проширување на ЕУ кон Западен Балкан“.
„Прво, тие пораки мора да бидат јасни, и верувам дека тоа ќе се случи во среда, 6 октомври. И второ, тоа ќе биде поттик, односно дополнителна мотивација за Бугарија и Северна Македонија да затворат отворени теми до крајот на годината и да отворат ново поглавје за соработка“, рече Заев пред новинарите.
Премиерот на Северна Македонија прецизира дека за Скопје, отворањето на ново поглавје за соработка со Софија „значи европеизација во делот на надминување на кластерот, поглавје од 2022 година“.
Како што истакна Заев, проширувањето на Европската унија кон земјите од Западен Балкан е заемно неопходен процес.
„Ни треба Европа затоа што сите земји од Западен Балкан ја гледаат иднината таму, но Европа знае дека му треба Западен Балкан затоа што ние сме дел од Европа, не само од европскиот континент, туку како политички систем, како организациски систем и слично“, рече Заев пред новинарите.
Самитот ЕУ-Западен Балкан ќе се одржи во среда, 6 октомври, во Брдо кај Крањ, во организација на словенечкото претседателство со Унијата.