„Бугарската дипломатија не може да си дозволи да води политика на оцрнување на друга земја, што, за жал, ја гледаме во Скопје. Ние сме земја-членка на Европската унија“, ова за БТ го изјави вицепремиерката и министерка за надворешни работи, Екатерина Захариева, по повод се уште отворените прашања со Република Северна Македонија кои се на дневен ред.
-РС Македонија ќе има место во Европската унија кога ќе биде подготвена. Во моментов, Бугарија не смета дека е подготвена, додаде Захариева.
Бугарија продолжува да биде поддржувач на проширувањето на членството во ЕУ и тука не станува збор за стегање раце, посочи таа. Според Захариева, властите во Скопје многу погрешно се потпираат на Бугарија, за таа да биде „притисната“ и да ја смени својата позиција.
Вицепремиерката ја советуваше С. Македонија да не се откажува од првата тешкотија со која се соочуваат на патот – одобрувањето на Рамката за преговори.
-Тешкотиите допрва следуваат, процесот не е лесен. И Бугарија тргна по таков пат, додаде Захариева.
„Потоа, кога страстите ќе стивнат, вклучително и во Бугарија, и ќе почнете да размислувате помалку емотивно, кога ќе престанете да се држите до градење држава заснована единствено на антибугарската идеологија – тогаш тие ќе добијат многу повеќе“, истакна Захариева и нагласи дека не можете да изгубите од вистината.
Екатерина Захариева рече дека ќе оди во парламентот и ќе одговара на пратенички прашања во врска со РС Македонија, откако минатиот петок нејзиното учество во парламентарната контрола беше одложено заради патување надвор од земјата.