Грчкиот министер за одбрана и лидер на помалиот коалициски партнер во владејачката коалиција, рече дека владата ќе се откаже од идејата за референдум, ако доверителите на земјата го прифатат планот на Атина за фискални мерки во вкупна вредност 7,9 милијарди. Евра за наредните 18 месеци .

Овој план веќе беше отфрлен од ЕУ, Европската централна банка (ЕЦБ) и Меѓународниот монетарен фонд (ММФ) како недоволен и се потпираше премногу на приходи од зголемени даноци, а не на реформи за намалување на буџетските трошоци.

Според Панос Каменос, лидер на националистичката “Независни Грци”, сè ќе се промени ако Еврогрупата која за вечерва во 18:00 часот има закажано седница, го прифати планот на Алексис Ципрас, а доверителите повлечат својот.

Пред телевизија Mega TV тој инсистираше дека членството на Грција во еврозоната не е доведено во прашање од референдумот. Ципрас побара формално од парламентот закажувањет на референдум за 5 јули на седница што започна во саботата во 13:00 часот. Во почетокот на седницата министерот за внатрешни работи, Никос Вуцис ги повика сите партии едногласно да гласаат за референдум, бидејќи тоа требало да ја направи многу посилна позиција на Грција пред партнерите .

“Нема да толерираме понижување на народот и масовно осиромашување на Грците. Ултиматумите немаат место во демократска Европа”, рече министерот. Според Каменос секакви приказни за затворање на банки и контрола над капиталот е “влевање страв”.

“Ројтерс” прошири слики на редици пред банкомати во центарот на Атина со предвид дека таква глетка не е невообичаена за викендите, бидејќи многумина Грци немаат банкарски картички, туку плаќаат со готовина. Но Агенцијата додава дека дел од кадрите се од филијала на банка на Piraeus Bank скоја требало да отвори во сабота во 10:30 и час подоцна вратите и биле заклучени. Висок претставник на банката вели дека ќе отворат, но се уште имаат познати грижи за безбедноста, и се извини се редиците.

“Луѓето не треба да се плашат, нема уцена. Банките нема да ги затворат, банкоматите ќе сработат. Сето ова е претерување”, коментира Каменос.

Но, тој рече дека 1,6 милијарди евра, кои Владата да ги исплати во вторникот на ММФ, нема да бидат платени и виновни за ова се доверителите, бидејќи не биле исполниле обврските од програмата за помош.