Случајот во кој гинекологот Дамчевски, во моментов вработен во Гинеколошко-акушерската клиника (ГАК) во Скопје, монструозно девет месеци лажел пациентка дека е бремена ја згрози јавноста и повторно отвори прашање за третманот на пациентот во здравството во Македонија.
Дамчевски, за кого Министерството за здравство, Лекарската комора и ГАК се известени за направените злоупотреби во приватната здравствена установа во која претходно работел, како и дека против него е поднесека кривична пријава и дека случајот е во фаза на истражна постапка, е вработен во ГАК каде е во секојдневен контакт со пациентки.
Ирена Фрчкоска, адвокатка на оштетената пациента во случајот за Либертас изјави дека во конкретниот случај се работи за скандалозно и крајно непрофесионално однесување од страна на гинеколот кој требал да и пружи медицинска помош на пацинетката во процесот на добивање дете.
Според адвокатката на оштетената ова што го направил докторот не е спроведено врз основа на научно истражување, туку како еден вид на експеримент, без знаење на оштетената и на нејзиниот сопруг.
-Последиците кои овој случај ги оставил врз пациентката се катастрофални – изјави за Либертас адвокатката.