Почна седницата на Анкетната комисија за скандалот со прислушувањето, на која треба да сведочи премиерот Никола Груевски. Откако претседателот на комисијата, Петре Шилегов, рече дека пратеничката група на ВМРО-ДПМНЕ го известила дека премиерот не сака да влезе во салата додека новинарите се присутни, тој ги повика новинарите да излезат надвор.

Пред да влезе на седницата на комисијата, премиерот Груевски рече дека е таму за да одговори на сите прашањња што ги има комисијата за конечно да се соочат со вистината.

– Имаше обид од Шилегов и од СДСМ да предизвикаат криза. Еве веќе два часа чекам да почнам со одговарање на прашања. Очигледно, СДСМ не знаат ништо друго освен да предизвикаат криза затоа што во сите други полиња сме подобри од нив – рече Груевски.