Убиен е Исмет Арифи, а Ќемал Лусјани со прострелна рана е пренесен во болницата „Св. Наум Охридски“. Убиецот е во бегство.
Во престрелка на улица Лазо Трповски што се случи синоќа кај маркетот „Принц“ во скопски Чаир е убиен Исмет Арифи од Скопје, а Ќемал Лусјани со прострелна рана е пренесен во болницата „Св. Наум Охридски“, пренесоса повеќе скопски медиуми повикувајќи се на полициски извори. Мотивот за убиството засега не е познат.
Убиецот е во бегство. Се знае дека во жртвите е пукано од автоматско оружје. Екипи МВР започнале потрага по убиецот, а во тек е детална истрага за овој немил настан.
Неофицијално, според локални извори стсанувало збор за престрелка меѓу две групи, а мотивот најверојано бил нерасчистени сметки поврзани со трговија на дрога. Се очекува во текот на денот МВР да излезе со презизни информации за настанот.
Фото/Видео: ТВ Шења