СДСМ обвини дека ако навистина се грижеше за здравствениот систем, ВМРО-ДПМНЕ ќе работеше на подобрување на статусот на докторите и ќе ги заштитеше правата на пациентите, а место тоа, водејќи се исклучиво од коруптивни и бизнис интереси, ВМРО-ДПМНЕ изврши егзодус во здравствениот систем.
„ВМРО-ДПМНЕ 11 години газеше врз достоинството и правата на докторите и здравствениот персонал. Поради тоа, годишно околу 200 доктори го напуштаа јавното здравство и заминуваа во странство или во приватниот сектор, со што здравствениот систем доживеа целосен крах. Затоа, денеска како опозиција, ВМРО-ДПМНЕ нема право да провоцира со предлози кои веќе се дел од Програмата на новата Влада“, се вели во соопштението на СДСМ.
Од СДСМ ветуваат дека новата Влада, ќе ги оствари сите дадени ветувања, преку сериозен пристап, со вклученост на сите засеганати страни.
Ветуваат повисоки плати на докторите и специјалистите, изградба на нови и реконструкција на постоечки болници и здравствени домови, како и воведување бесплатно болничко лекување.