Основачот на британската партија ЈУКИП Најџел Фараж беше забележан во “Трамп Тауер” во Њујорк, каде се сретнал со новоизбраниот претседател на САД Доналд Трамп. Така Британецот го исполни ветувањето дека ќе биде првиот политичар од Островот, кој ќе се сретне со милијардерот по изборите, пишува “Дејли Меил”.
Фараж ја повика премиерката на Велика Британија Тереза Меј, која требаше да разговара со Трамп на состанокот на високо ниво.
Според зборовите на шефот на кампањата на Трамп, средбата меѓу милијардерот и Фараж поминала добро. “Сите овие средби се исклучително продуктивни”, изјави Кели Коноли за “Гардијан”.
Од администрацијата на британската влада побрзаа да изјават дека средбата меѓу двајцата нема никакво значење за односите меѓу двете земји. Од таму истакнаа дека Фардж не игра никаква улога во овие односи.
Пред неколку дена во радио интервју Британецот изјави на адреса на Трамп: “Ќе ми предложи ли работа? Се надевам дека тоа ќе го направи. Тој ќе има потреба од амбасадор-евроспекптик во Брисел пред ЕУ. Би ја прифатил таа работа “.
По завршувањето на средбата Фараж напиша на Твитер: “Особено сум среќен од исклучително позитивната реакција на Доналд Трамп на идејата повторно да се постави биста на Сер Винстон Черчил во Овалната соба”.