Американската пејачка Пинк го прекинала својот концерт поради жена од публиката која почнала да се пораѓа. Пинк моментално е на турнеја во Австралија, а се чини дека овој настап ќе остане за паметење.
Додека ја изведувала песната „Our Song“, пејачката забележала дека медицинските лица однеле обожавателка од публиката, а потоа му порачала на бендот да престане да свири.
„Чекај, некој ќе добие бебе?“ извикала таа откако дознала дека една жена од публиката има контракции.
Потоа се пошегувала и прашала: „Дали ќе се вика Алиша или Алекс?“, алудирајќи на нејзиното вистинско име, а тоа е Алиша Бет Мур.
На крајот ѝ посакала среќа на трудницата и го продолжила концертот.
„Ова е многу возбудливо. Не знам што да кажам. Сепак, мора да продолжиме да пееме. Среќно со породувањето, ќе помине одлично“, рекла Пинк.