Победничката парада на овогодинешните победници на Супер Боул, Канзас Сити Чифс, во средата се претвори во вистински хаос. Едно лице загина, а 21 се ранети во напад во Мисури на крајот од парадата.
Осум лица се со повреди опасни по живот, а седум од нив се тешко повредени, пренесува NBC.
Меѓу ранетите има и девет деца, кои се полесно повредени. Полицијата уапси три лица во врска со престрелката.
Two gunmen were identified and arrested. Shooting in Kansas City, Missouri, after the Kansas City Chiefs victory parade and rally. Super Bowl.
#ChiefsParade pic.twitter.com/yz6EPXiN1r— Tikleak (@tikleak) February 14, 2024
Пукањето се случило пред паркинг гаража западно од железничката станица во Канзас Сити, каде што се собрала голема толпа за да ја прослави победата со играчите на Канзас Сити Чифс.
На местото на настанот имало над 800 полицајци.
Меѓу жртвите е и локалната диџејка Лиса Лопез, мајка на две деца.
„Единствениот збор со кој би го опишала она што го видовме и како се чувствуваа кога дојдоа кај нас е страв“, изјавила медицинската сестра од болницата каде пристигнале деветте ранети деца.
Radio DJ Lisa Lopez-Galvan was killed in the shooting at the Chiefs’ Super Bowl parade, Kansas City station KKFI said in a statement.
One person died and 21 others were wounded after gunfire erupted at the end of the event, authorities said. https://t.co/mA85dvx50N pic.twitter.com/PDAFwBfNxO
— ABC News (@ABC) February 15, 2024
Градските власти не ги објавија имињата на ниту една жртва. Тие, исто така, не споделија никакви информации за осомничените уапсени, вклучително и потенцијален мотив.
Сепак, сметаат дека не се работи за тероризам, туку дека пукањето било резултат на расправија. Подоцна беа објавени видеа на кои се гледа како полицијата со помош на цивили апси еден од напаѓачите.