Туниските власти најавија дека земјата ќе добие 100 милиони евра од Европската унија (ЕУ) за помош на националниот буџет.
– Парите ќе бидат искористени за ублажување на последиците од пандемијата на корона вирусот и поддршка на економијата, се вели во соопштението на Министерството за економија и планирање на Тунис, пренесува „N1“.
Државната новинска агенција ТАП јавува дека договорот ќе биде потпишан на 14 ноември.
Тунис се наоѓа во средината на длабока политичка криза која ги влоши економските услови во земјата од минатата година, кога претседателот на земјата Каис Саид ја распушти владата и го распушти парламентот.
На почетокот на овој месец, северноафриканската земја постигна прелиминарен договор со Меѓународниот монетарен фонд (ММФ) за пакет помош од 1,9 милијарди долари што би можел да биде финализиран во декември.