Жените кои се физички активни во бременоста, веќе почнуваат со кондициони подготовки на своето неродено дете. Кога ќе се роди, детето се огледува на мајката и вежба.
Научниците утврдиле, по долго истражување на 5.500 деца на возраст од 11 до 12 години, дека нивните склоности кон физички активности се под влијание на мајките, и тоа од времето кога биле во стомакот.
Мајките кои во бременоста пливале или брзо оделе раѓаат деца три до четири пати поактивни од останатите, а доколку по породувањето продолжат со некоја физичка активност, тоа има позитивно влијание на формирањето на детските ставови за вежбањето.
Интересно е дека децата родени во есен покажуваат повеќе склоности кон физичка активност. Тие се меѓу најразвиените и најсилните кога ќе тргнат во училиште, а со спортски активности тие се обидуваат таа состојба и да ја задржат.