Кошаркарот на Голден Стејт Вориорс, Ендрју Вигинс, сепак се вакцинираше, и покрај претходните „активаксерски“ ставови.
Вигинс е дел од НБА играчите кои строго се спротивстави на вакцинацијата, а покрај него тука се и Кајри Ирвинг, Бредли Бил, Џонатан Ајзак, Мајкл Портер Џуниор …
Во еден момент, тој побара од НБА лигата да биде изземен од вакцинација поради верски убедувања, но предлогот беше одбиен.
Поради строгите прописи во Калифорнија, Вигинс се соочи со пропуштање на половина од натпреварите во сезоната, како и со фактот дека нема да биде платен.
Веста ја пренесе спортскиот инсајдер Шемс Чаранија, па можеме да ја земеме како што е веќе потврдена.
Golden State’s Andrew Wiggins has been vaccinated and will be available for all games this season.
— Shams Charania (@ShamsCharania) October 3, 2021
Вигинс одигра 71 натпревар во текот на претходната сезона, за време на кои имаше просек од 18,6 поени.