До вчера во СДСМ стигнаа три кандидатури на поранешната потпретседателка на партијата Фросина Ременски, на заменик министерот за финансии и член на Извршниот одбор на СДСМ, Димитар Ковачевски и Властимир Алексовски кој е член и активист на СДСМ од општинската организација на партијата од Куманово.
Се очекува денеска Јован Деспотовски да соопшти дали ќе биде четвртиот кандидат за партиски лидер, а можност за влез во изборната трка најави и Миле Зечевиќ.
За кандидат за претседател на СДСМ може да се кандидира лице со најмалку 5 години членство во СДСМ и најмалку еднаш да бил избран од страна на Конгресот на СДСМ за член на некој од органите на партијата.
Постапката на отворениот повик за самокандидирање започна на 27-ми ноември и трае седум дена, односно до денеска во 16 часот.