Турскиот претседател Реџеп Тајип Ердоган денеска телефонски разговараше со поглаварот на Римокатоличката црква, папата Франциск за војната меѓу Израел и Хамас.
Со оценката дека израелските напади врз Појасот Газа „достигнаа ниво на масакр“, Ердоган рече дека молкот на меѓународната заедница за ова е „срам за човештвото“.
Во соопштението од кабинетот на Ероган, се наведува дека претседателот на Турција рекол дека сите треба да помогнат „непречено да се доставува помош за невините цивили“ во Појасот Газа.
Turkish President Erdogan, Pope Francis discuss Israel-Palestine conflict, and escalating human rights violations in phone call https://t.co/K0fGAjQJKu pic.twitter.com/ezZZqDxFQk
— Anadolu English (@anadoluagency) October 26, 2023
Ердоган го повторил ставот на Турција дека трајно решение на конфликтот во Израел може да се постигне само преку формирање независна палестинска држава.
Турција неодамна ги нормализираше односите со Израел, но во последните денови жестоко ја критикуваше таа земја за нејзините напади врз Појасот Газа.
Во средата, во обраќањето пред турскиот парламент, Ердоган објави дека го откажува планираното патување во Израел, велејќи дека „Хамас е група ослободители кои ја штитат својата земја“.