Европскиот шампион со француската ракометна репрезентација, Беноа Кунку е обвинет за обид за силување во ноќен клуб во Париз ноќта меѓу понеделникот кон вторникот, а за случајот е покрената истрага.
26-годишниот натпреварувач кој беше дел од францускиот тим кој пред неколку дена стана европски шампион во Германија е приведен. Судот во Париз потврди дека „француски ракометар е приведен од судската полиција во раните утрински часови на 30 јануари“.
„Жена, родена во март 2003 година, го обвинува за обид за силување за време на вечерта, преполна со алкохол во ноќен клуб“, се вели во соопштението на судот. Ракометната федерација не е во позиција да го коментира случајот во оваа фаза и ќе следи што се случува“, се вели во соопштението.
По победата над Данска во финалето во Келн, францускиот тим се врати во земјата и беше примен од претседателот на земјата Емануел Макрон во Елисејската палата на специјална церемонија во понеделникот.
Поранешниот играч на Пари Сен Жермен, Кунку, моментално е ракометар на полскиот Кјелце. Неговиот полски клуб соопшти дека „сериозно го сфаќаат инцидентот и го осудуваат секое однесување што ги крши правилата на општествениот живот“.
За време на Европското првенство, десното крило Кунку беше драфтувано во тимот поради нејасната здравствена состојба на Јанис Лен на почетокот на турнирот.