Влезовите во Дебар од попладнево се блокирани со полиција. Влез во градот од страна на жителите на Дебар може да влезат до полноќ, а останатите граѓани кои сакаат да поминат таму, ќе мора да носат доказ од лекар дека немаат никаква болест. Додека градот е во карантин, на планината, недалку од куќите во тој дел на Дебар, изби пожар.
Инаку претседателот Стево Пендаровски донесе одлука Армијата да помага на локалната самоуправа во Дебар и Центар Жупа и поддршка на полициските сили на МВР во обезбедување на дел од државната граница со Република Албанија на територијата на општина Дебар.
Се врши и дезинфекција во општината, а се прават и контролни тестови дали има нови граѓани заболени од коронавирусот.
Кризната состојба во Дебар и Центар Жупа, како што најави министерот Венко Филипче, а и како што соопшти владата по седницата, ќе трае во наредните 30 дена, со можност да се продолжи.
Во понеделник ќе заседава и Советот за национална безбедност, а ќе се одлучува дали ќе има кризна состојба на територијата на целата држава.
