Бугарската министерка за надворешни работи во оставка Теодора Генчовска вечерва изјави дека нема нов француски предлог што се разликува од веќе одобрениот во Бугарското собрание.
-На 24-ти јуни, Националното собрание гласаше за нацрт-резолуцијата со цел да се реши спорот меѓу Софија и Скопје и да се отвори патот за европската интеграција на РС Македонија. Нацрт-одлуката се надоврзува на предлогот на француското претседателство и се надоврзува на него за што повеќе да се заштитат бугарските интереси. Тој ги потврдува условите под кои Софија може да го поддржи процесот на европска интеграција на PCM. Владата вчера ја одобри оваа одлука на бугарскиот парламент, информира Генчовска.
На прашањето дали има нов француски предлог за решавање на спорот меѓу РСМ и Бугарија за почеток на преговорите за ЕУ, кој би се разликувал од веќе одобрениот во бугарскиот парламент, Генчовска кусо одговорила: „Не“.
„Сѐ зависи од подготвеноста на Скопје. Од нив очекуваме државна и одговорна политика. Бугарија е подготвена да го потпише најновиот протокол од Мешовитата меѓувладина комисија. Сѐ зависи од Скопје“, рекла Генчовска за агенцијата „БГНЕС“.