Merkur.de пишува за интересен германски проект. Подолгите патувања со електрични автомобили вклучуваат полнење со електрична енергија, што може да потрае подолго, полначите може да бидат зафатени… Во принцип, патувањето може да биде подолго. А што ако автомобилите би можеле да се полнат додека возите, безжично? Идеи веќе постојат, а слични проекти започнаа и во Израел и Шведска. Сега на ред е Германија.
Со технологијата за индуктивно полнење презентирана од научниците од Одделот за фабричка автоматизација и системи за производство на Универзитетот Фридрих Александар Ерланген Нирнберг (FAU), загриженоста за „дометот“ на електрични автомобили наскоро би можела да стане историја.
Како што пишува „Revija HAK“, партнери на проектот се VIA IMC, Autobahn GmbH, Electreon, Risomat и Техничкиот универзитет во Нирнберг, а научниците сакаат да ја донесат технологијата до сериско производство. Според извештајот објавен од FAU, конзорциумот планирал инвестиции од 8 милиони евра.
Намотките вградени во површината на патот ќе создадат магнетно поле. Ако автомобилот вози над него или се паркира на него, ова поле предизвикува напон во спротивниот калем вграден во возилото и го полни со електрична енергија. Технологијата може беспрекорно да се инсталира на патот.
Пробната патека долга еден километар треба да започне со работа во средината на 2025 година. Се уште нема локација, германската управа за автопати ќе го утврди тоа подоцна.