Маркоска: Судот одлучи дека е тероризам тоа што се случуваше на „27 април“

На 27 април се случи терористичко загрозување на уставниот поредок, тоа е потврдено и со судски пресуди, одговори пратеничката Даниела Маркоска од СДСМ на прашањето за коментар по ставот на претседателот Стево Пендаровски дека осудените од 27 април не се терористи.

-Она што се случи на 27ми април беше рушење на уставниот поредок, сите бевме сведоци што се случи пред четири години, дека беше напад на домот на демократијата и за тоа си следеше судска постапка каде веќе делото е завршено и судот е оној којшто треба да одлучи дали станува збор за тероризам, насилство …, а веќе има одлучено и тоа е веќе завршена процедура во судството, истакна Маркоска.