Новиот сопственик на Твитер Илон Маск изјави дека компанијата следната година би можела да загуби милијарди долари и дека не е исклучен банкрот.
На состанокот со вработените во Твитер, Илон Маск предупреди дека компанијата може да загуби милијарди следната година, пренесува Ројтерс.
Маск истакна дека не е сигурен какви ќе бидат финансиските можности на компанијата и дека не е исклучен банкрот.
Новиот сопственик на Твитер, кој е и извршен директор на производителот на електрични возила Тесла и на компанијата Спејс Икс, нагласи дека неодамна ги продал акциите на Тесла за да го „спаси Твитер“.
Продажбата на акции во вредност од 19,5 милиони долари е направена по просечна цена од околу 202 долари по акција, наспроти 290 колку што беше вредноста на акциите во август.