„Росонерите“ ја обезбедија титулата шампион на Италија по победата од 3-0 против Сасуоло во последното коло од Серија А.
Ова е нивна прва титула по 11 години, со која ја прекина долгогодишната доминација на Јувентус, а на тронот го „наследија“ тимот на Интер.
Навивачите на Милан не чекаа долго да се потврди титулата. Нивниот тим поведе во 17. минута, а стрелец беше Оливие Жиру, кој беше прецизен и во 32. минута за водство на Милан од 2-0.
Конечниот резултат го постави Френк Кеси со гол во 36. минута. Второто место му припадна на Интер, кој во последното коло ја победи Сампдорија со 3-0.
Стрелци за „нероаѕурите“ беа Иван Перишиќ во 49. минута и Јоаким Кореја во 55. и 57. минута. Милан ја заврши сезоната со 86 бодови, додека Интер имаше два помалку.
Избраниците на Стефан Пиоли го освоија „скудетото“ со неверојатна серија од 15 натпревари без пораз.
🔴⚫️ C H A M P I O N S of Italy! 🇮🇹🏆@acmilan #WeAreCalcio #SerieA💎 #MilanScudetto pic.twitter.com/mhcBvi4yEC
— Lega Serie A (@SerieA_EN) May 22, 2022
Покрај клубовите од Милано, главен конкурент за титулата беше и Наполи, кој по фантастичен старт на сезоната заврши на третото место.
Најдобри стрелци кај „росонерите“ се Оливие Жиру и Португалецот Рафаел Леао со 11 голови. Леао е и најдобар асистент на тимот, со 10 асистенции.
Четвртото место го зазеде Јувентус кој после 10 години за првпат сезонава остана без трофеј.
Петтото и шестото место и пласман во Лига Европа обезбедија клубовите од Рим, Лацио и Рома.
Италија во Конференциската лига ќе ја претставува Фиорентина, која сезоната ја заврши на седмото место.
Најголеми губитници сезонава се фудбалерите на Аталанта, кои по поразот од Емполи со 1:0 го освоија осмото место во Серија А, со што останаа без пласман во Европа.