Полицијата во Лондон објави снимка од нападот на кој се гледа како разбојник се заканува со нож, но босанскиот репрезентативец Сеад Колашинац брзо се снајде и ги избрка.
Двајца мажи ја признаа вината по обидот за грабеж во лондонскиот кварт Хампстед, кога сакаа да ги ограбат фудбалерите на Арсенал, Месут Озил и Седа Колашинац, објави полицијата во Лондон.
Ешли Смит (30) и Џордан Нортовер (26) го признаа обидот за грабеж кој се случи на 25 јули оваа година во улицата Платс Лејн.
Тогаш ги нападнале двајцата фудбалери со закана со нож, но Колашинац ги избрка.
#JAILED | Two men plead guilty after attempting a brazen robbery in #Hampstead.
CCTV footage shows they didn’t hesitate to draw a weapon when making demands but didn’t bargain on being challenged. One victim stood his ground and fought the suspects off 👉 https://t.co/x1PURsQ6sz pic.twitter.com/7fLmlp8dDA
— Metropolitan Police (@metpoliceuk) November 6, 2019
Потоа двајцата побегнале на мотор, но полицијата набрзо ги пронашла.
Според наводи на агенцијата Анадолија, Озил во еден момент го напуштил возилото и влегол во блискиот турски ресторан, додека Колашинац голорак им се спротиставил на напаѓачите. Потоа персоналот од ресторанот му се приклучило на Колашинац.
Британските медиуми наведуваат дека потоа разбојниците се разбегале и не успеале да ги ограбат фудбалерите на Арсенал.
Пресудата за разбојниците ќе биде изречена на 8 ноември.