Нетфликс го најави продолжението на серијата „Луди седумдесетти“, која ќе се вика „Луди деведесетти“.
Серијата ги следеше животите на тинејџери во измислен град во Висконсин, а во неа глумеа Тофер Грејс, Мила Кунис и Ештон Качер.
Се прикажуваше од 1998 до 2006 година.
Новата серија ќе ја надгледуваат оригиналните продуценти Бони Тарнер и Тери Тарнер, додека главните улоги ќе ги толкуваат старите членови на екипата, Куртвуд Смит и Дебра Џо Руп.
„Луди деведесетти“ ќе се одржи во Висконсин во 1995 година, а ќе ја следи Лиа, ќерката на Ерик и Дона.
Таа се приближува до новата генерација млади луѓе од Поинт Плејс под будните очи на баба Кити и дедо Ред.
„Луди деведесетти“ ќе биде серија од 10 епизоди, објави Нетфликс.
„Лудите седумдесетти“ беа движечката сила зад кариерата на младата екипа, која постигна различни степени на успех во Холивуд.
43 -годишниот Качер и 38 -годишната Кунис станаа големи sвезди, а денес се во брак и имаат две деца заедно.
Во серијата глумеа и Дени Мастерсон, Вилмер Валдерама и Лиза Робин Кели.
Мастерсон (45) моментално го чека судењето по обвиненијата за силување во Лос Анџелес.