Откриено што побара Зеленски од лидерите на Г7

Украинскиот претседател Владимир Зеленски денеска побара од Групата седум најразвиени земји систем за противвоздушна одбрана, повеќе санкции против Русија и безбедносни гаранции, изјави неименуван европски функционер.

Обраќајќи им се на лидерите на самитот на Г7 преку видео врска, Зеленски побара и помош за извоз на жито од Украина, како и помош за реконструкција, изјави еден европски функционер, кој сакаше да остане анонимен.

Зеленски се приклучи на видео врската на самитот на лидерите на Г7, кој се одржува во замокот Елмау на југот на Германија.