ИАКО има многу придобивки од кафето, една неодамнешна студија спроведена во Јапонија откри врска помеѓу пиењето две или повеќе шолји кафе дневно и зголемената стапка на смртност кај луѓето со тешка хипертензија.
Според Американското здружение за срце (АХА), хипертензијата се јавува кога „силата на крвта што тече низ крвните садови е постојано превисока“. Според категориите утврдени од оваа асоцијација, има нормален крвен притисок (помал од 120 со помалку од 80), покачен крвен притисок (120-129 со помалку од 80), висок крвен притисок или хипертензија стадиум 1 (130-139 со 80 -89), висок крвен притисок или хипертензија стадиум 2 (140 или повеќе со 90 или повеќе) и хипертензивна криза (повеќе од 180 со повеќе од 120).
Иако многу луѓе не можат да го започнат утрото без кафе, едно неодамнешно истражување покажува дека луѓето со хипертензија треба да бидат внимателни кога го консумираат.
Исто така, утврдено е дека една шолја кафе од околу 250 мл е доволна – и дека нешто повеќе од тоа може да претставува ризик по здравјето кај луѓето со тежок висок крвен притисок.
Резултатите од оваа студија беа објавени во списанието Journal of the American Heart Association.