Поранешниот директор на Рома, Џанлука Петрачи изјави дека „нема да биде лесно да се најде замена за Џеко“ кој следната сезона ќе го носи дресот на Интер, нагласувајќи дека тој е „извонреден фудбалер“.
Босанскиот репрезентативец наскоро треба да потпише договор со „нероазурите“, а Петрачи зборуваше за времето кога беше директор на Рома и кога го убеди ветеранот да остане на „Олимпико“, пренесува „Фудбал Италија“.
– Кога дојдов во Рома, Џеко беше на трансфер листата. Успеав да се наметнам колку што можев. Имав работа со професионален, примерен тип. Џеко сфати и конечно одлучи да остане со нас. Мислам дека тој е извонреден фудбалер – изјави Петрачи за Скај Спорт Италија.
– Денес во Рома се ослободуваат од овој човек, мислам дека ќе биде тешко да го замениме. Му посакувам се најдобро, но нема да биде лесно да се најде замена – додаде тој.
Џеко постигна 119 голови на 260 натпревари за Рома откако пристигна на Олимпико во јули 2016 година, и постигна 15 гола на 25 натпревари во Лигата на шампионите.