Американецот Џастус Рид е популарен ТикТокер кој за кратко време се „проби“ на оваа социјална мрежа, а на многумина од регионов им е интересен затоа што често пее балкански песни и се снимаше како го прави тоа.
Сега на својот профил објави ново видео каде раскажува како дал отказ, ја продал куќата и како се сели на Балканот.
„Ја напуштив работата, ја продадов куќата и се селам на Балканот. Во јули започнувам турнеја. Ќе почнам од Србија. Ќе одам со автобус до Македонија, преку Црна Гора до Босна и Херцеговина, Хрватска и Словенија. Ова патување ќе трае неколку месеци и подготвен сум да видам се што може да се види. Прво треба да го завршам овој автомобил. Имам две недели, молете се за мене“, рекол Американецот.
@justus_reid I can’t believe I did this! #balkan #serbia #bosnia #macedonia #slovenia #montenegro #croatia ♬ original sound – Justus Reid
Во истото видео се појави и неговиот татко кој се пошегува и коментира: „Конечно се ослободивме од него. Сега тој е целосно ваш!“.