Поранешниот воен инспекторат на министерството за одбрана на Молдавија објави дека вооружените сили на Придњестровје поставиле експлозиви во сите магацини со оружје во отцепениот регион, вклучително и складиштето за муниција во Кобасна, така што доколку започне каква било воена операција, тоа би предизвикало катастрофална штета во делови на Молдавија, Придњестровје и Украина.
Инаку, магацинот Кобасна е најголем во Источна Европа и содржи до 20.000 тони оружје и муниција од советската ера. Молдавците предупредуваат дека само експлозијата во тој магацин би била идентична со оние во Јапонија кога Американците фрлија атомски бомби врз Хирошима и Нагасаки.
The Former Military Inspectorate of the Ministry of Defense of Moldova has said that the Armed Forces of Transnistria have rigged all Arms Depots within the Breakaway Region including the Cobasna Ammunition Depot with explosives so if any Military Operations begins it will cause… https://t.co/QPfUdyr1b7 pic.twitter.com/hC1i9OO88s
— OSINTdefender (@sentdefender) February 27, 2023
Дополнително, Академијата на науките на Молдавија утврди дека експлозијата на оружјето, кое се наоѓа во складиштето за муниција, на кое одамна му истече рокот, ќе биде еквивалентно на атомското бомбардирање на Хирошима и Нагасаки. Загриженоста за таков настан се зголеми по експлозијата во Бејрут во 2020 година.