Во Кремљ се сретнаа претседателите на Русија и Франција, Владимир Путин и Емануел Макрон. Разговорите траат веќе четири часа. Лидерите средбата ја започнале насамо, а потоа разговорот го продолжиле на работна вечера. Тие имаат намера да ги соопштат резултатите од преговорите на прес-конференција.
На почетокот на средбата Путин изјави дека се насобрале многу прашања кои треба да се разгледуваат во директен формат, иако контактите не биле прекинати.
Тој додал дека Русија и Франција имаат заедничка грижа за тоа што се случува на полето на безбедноста во Европа.
„Гледам колку труд вложува Макрон во решавањето на внатрешната криза и другите безбедносни проблеми и мило ми е што имам можност лично да разговарам со него за тоа“, изјавил Путин.
Рускиот претседател му се заблагодарил на својот француски колега за учеството на неговата земја во развојот на принципиелни одлуки во областа на европската безбедност и ги посочи напорите на Париз за решавање на украинската криза.
„Разбирам дека ја споделуваме загриженоста за она што се случува на полето на безбедноста во Европа и сакам да ви се заблагодарам за фактот дека Франција отсекогаш била многу активна во развојот на политичките одлуки во оваа област“, рекол тој.
Францускиот претседател Емануел Макрон од своја страна рекол дека е неопходно сите да се однесуваат одговорно кога станува збор за безбедноста и дека дијалогот е неопходен.
Според него, украинското прашање е многу важно.
„Ќе разговараме со него и за други теми, се надевам дека ќе успееме да најдеме одговор за цела Европа“, истакнал францускиот лидер во разговорот со Путин.
„Мислам дека денешниот разговор може да го започне патот на деескалација. Мораме да најдеме заеднички одговор кој ќе овозможи да се избегне војната“, додал Макрон.