Водечкиот автомобилски сојуз Renault-Nissan-Mitsubishi ја најави промоцијата на Alliance Intelligent
Cloud – нова платформа која им овозможува на Renault, Nissan и Mitsubishi Motors да испорачаат
поврзани услуги во своите автомобили на речиси сите 200 пазара, опслужувани од Алијансата.
Проектот на Алијансата и Microsoft е првата глобална програма за поврзани автомобили и ќе биде
реализирана преку користење на облачни услуги, вештачка интелигенција (AI) и IoT (Internet of
Things) технологија, обезбедени од „облачниот“ Microsoft Azure.
Azure обезбедува на Алијансата глобална платформа, која собира, обработува и анализира
податоци од возилата, за да обезбеди интелигентни услуги.
„Ние развиваме платформа за поврзани возила што ќе ја трансформираат потрошувачката за
клиентите на Renault-Nissan-Mitsubishi. Преку нашата соработка со Microsoft ќе ја претставиме
најмоќната и најсеопфатна платформа за поврзани возила. Искористувајќи ја големината и обемот
на Алијансата, имаме изградено интелигентна облачна платформа која поставува нови стандарди
за нашата индустрија“, изјави глобалниот потпретседател на Алијансата – Кал Мос.
„Renault-Nissan-Mitsubishi е долгогодишен партнер и нашиот прв стратешки партнер за платформата
за поврзани возила на Microsoft“, изјави Жан-Филип Куртуа од Microsoft.
„Производството на Alliance Intelligent Cloud овозможува појава на нова генерација поврзани услуги,
кои работат со Microsoft Azure“, додава тој.
Првите автомобили со технологијата „Alliance Intelligent Cloud“ ќе бидат новите Renault CLIO и Nissan
Leaf во Јапонија и Европа. Ова се, исто така, првите возила кои се напојуваат со Microsoft
платформата за поврзани превозни средства.
Последните, кои користат Alliance Intelligent Cloud, ќе имаат корист од постојан пристап до интернет,
напредна далечинска дијагностика, поврзана навигација, софтверски ажурирања преку етерот,
бројни функционалности за забава и други услуги прилагодени на клиентите.
Alliance Intelligent Cloud ќе биде предводена од собраните во неа податоци и благодарение на
напредни AI и аналитички технологии ќе го забрза времето за пуштање на пазарот на нови
иновации и бизнис иницијативи. Alliance Intelligent Cloud ќе овозможува на возилата на Алијансата
да комуницираат со идната инфраструктура интелигентни градови и со платформите на
потенцијални идни партнери.
Со оваа нова иницијатива секоја трета страна, која сака да се поврзе со возилата на Алијансата, ќе
располага со единствена точка за контакт.