Вакцината против коронавирусот за деца и адолесценти може да се регистрира веќе кон средината на септември, изјави директорот на Националниот истражувачки центар за епидемиологија и микробиологија „Гамалеја“, Александар Гинзбург.
„Сега ќе подготвиме извештај пред проширената втора фаза од клиничките испитувања и ќе можеме да ја регистрираме вакцината за деца до 15 септември, за да може да им се даде на учениците во исто време“, рече Гинзбург во интервју за весникот „Известија“.
Меѓутоа, „постои страв дека креаторите на препаратот ќе бидат принудени да ја изведат третата фаза на три илјади луѓе“, додаде академикот.
– Во тој случај, се разбира, нема да успееме до септември. Ова многу ме загрижува, бидејќи сега, за време на ширењето на индискиот вид, децата ќе одат на училиште и до 20 септември, прво децата би можеле да имаат проблеми, а потоа и сите ние – рече еден од креаторите на руската вакцина „Спутник V“.
Директорот на „Гамалеја“, исто така, објасни дека постојат две опции во врска со вакцината за адолесценти – вакцина разредена во сооднос 1:10 и вакцина разредена во сооднос 1: 5.
– Првата варијанта покажа дека нема несакани ефекти и дека децата имаат многу силен имунолошки одговор, за разлика од возрасните. Нема несакани ефекти ниту во втората варијанта, но има температура во опсег од 37,5 степени – прецизира Гинзбург.