Афроамериканецот Ендру Браун Џуниор беше убиен од полицаец, кој му пукал во главата додека неговите раце биле на воланот, соопшти неговото семејство по прегледувањето на снимките од полициска камера, пренесе Гласот на Америка.
Инцидентот се случил во градот Елизабет Сити, а полицијата постапила по налог за претрес за поседување дрога и потерница за апсење на Браун, соопштија официјалните лица, без многу детали.
Адвокатката Шантел Шери Леситер го погледнала видеото од 20 секунди со семејството на Браун и рече дека изгледа дека не е закана за никому.
„Видеото не покажува дека тој бил закана за полицијата“, рече адвокатот.
Адвокатот Хари Даниелс рече дека полицајците го застрелале во задниот дел од главата.
Сведок посочи дека Браун бил убиен откако се обидел да избега со возилото.
Леситер, кој го прегледал видеото неколку пати, вели дека на него се гледаат осум полицајци и дека почнале да пукаат по извици „да ги видам рацете“.
„Да бидеме јасни: ова е егзекуција“.
Семејството на Браун го осуди и фактот дека окружниот обвинител Мајкл Кокс, како што тврдат, објавил само 20 секунди од снимката.
„Тие сакаат да сокријат нешто“, рече адвокатот Бенџамин Крамп.
Окружниот шериф Томи Вутен изјави дека биле истрелани неколку истрели и дека во моментов се води истрага против седум полицајци. Тој исто така апелираше на трпеливост додека не се објави целата снимка, бидејќи тоа мора да го одобри судот.
„Трагичниот инцидент се случи брзо, за помалку од 30 секунди, а камерите од полициските униформи често се тресат и тешко е да се открие што се случило. Тие даваат само дел од приказната“.
Полицијата издаде и налог за претрес затоа што Браун е снимен како продава кокаин и метамфетамин.
Наредбата предвидуваше претрес во неговиот дом во Елизабет Сити, откако информациите укажувале дека тој продава дрога таму, што го потврди и полицискиот информатор кој ја купил дрогата, соопшти полицијата.
Полицијата, исто така, верувала дека тој ја чувал дрогата во возилото. За него се издадени две потерници.
Во Елизабет Сити избија демонстрации за смртта на Ендру Браун Џуниор, а граѓаните ја повикаа полицијата да го објави видеото за да можат сите да го видат, не само семејството.