По секојдневните обвинувања на опозициската ВМРО ДПМНЕ по однос на Заев, Филипче и останатата владејачка структура, денес се огласи со свое соопштение и владејачката СДСМ.
Имено, тие велат дека Мицкоски со денови организира собири за спас на неговата фотелја во белиот дворец, како и тоа дека тој и неговите сопартијци секојдневно кочат и блокираат, и битката со коронавирусот, и работата на Собранието и напредокот во НАТО, како и битката против криминалот и корупцијата.
„Самопрогласениот хистеричен политичар четири дена се крие и не дава одговор на јавно поставени прашања.
Наместо одговор, Мицкоски со денови организира собири за спас на неговата фотелја во белиот дворец, а преку неговите пратеници се обидува да ја блокира работата на Собранието.
Мицкоски да собере храброст и да одговори на прашањата за кои јавноста четири дена чека одговори:
Кој му ја доставил информацијата за наводно распарчување на државата? Зошто тоа не го пријавил до надлежни институции. За кои структури во Бугарија и за какви цели одработува Мицкоски?
Мицкоски да излезе во јавноста и да одговори, да не чека за неговото подмолно одработување да прозбори друг.
Нашата татковина е цела и останува цела. Мицкоски е опасност за државата и граѓаните.
Мицкоски и ВМРО-ДПМНЕ постојано кочат и блокираат, ја кочат борбата со коронавирусот, ја блокираат работата на Собранието, го кочеа напредокот кон НАТО, борбата против криминалот и корупцијата.
Мнозинството граѓани даде огромна поддршка за напредокот и за иднината. Република Северна Македонија чекори напред кон прогресивна иднина и кон остварување на стратешките заложби.
Колку и да не му се допаѓа, колку и да е хистеричен, Мицкоски нема да ги блокира реформите и европскиот пат на државата“, се вели во соопштението на СДСМ