Хрватскиот претседател Зоран Милановиќ денеска во Скопје учествува на самитот на процесот Брдо-Бриони и се надева дека собирот нема да заврши како претходните две во „кавга меѓу раштимани инструменти“ и кршење копја при усвојувањето на завршните декларации, објави хрватски „Индекс“. Зоран Милановиќ и шефицата на словенечката држава Наташа Пирц Мусар се копретседавачи на иницијативата Брдо-Бриони, започната во 2013 година, чиј домаќин оваа година е нашиот претседател Стево Пендаровски.
И на оваа средба заедничка нишка на иницијативата останува приближувањето на земјите од Западен Балкан кон Европската Унија, што беше нејзина првична цел, а лидерите ќе се осврнат на сузбивањето на последиците од климатските промени и задржувањето на младите на Западен Балкан.
На средбата, покрај претседателите на Хрватска, Словенија и Северна Македонија, учествуваат и претседателите на Србија, Албанија и Црна Гора, претседателот на Косово и тројца членови на Претседателството на БиХ.
На минатогодишниот самит завршната декларација не беше усвоена бидејќи хрватската претседателка побара во документот да се спомене конститутивноста на трите народи во Босна и Херцеговина, со кој двајца членови на нејзиното Претседателство, бошњачкиот Шефик Џаферовиќ и хрватскиот Жељко Комшиќ не се согласија.
Една година пред тоа, учесниците прифатија само компромисен текст на завршната изјава поради препирките меѓу косовската претседателка Вјоса Османи и српскиот лидер Александар Вучиќ.