Десетици членови на семејства на заложници кои ги држи Хамас во Газа упаднаа во понеделникот на состанокот на комисијата за финансии во израелскиот парламент, извикувајќи „нема да седите овде додека тие умираат таму“.
Во неделата вечерта, членовите на семејството поставија протестен шатор во Ерусалим и ветија дека ќе останат таму додека владата не постигне договор за ослободување на некои од заложниците.
Роднините на заложниците ги интензивираа протестите во последните денови, барајќи од владата да направи повеќе за ослободување на нивните најблиски.
Израелскиот премиер Бенјамин Нетанјаху вети дека ќе ја продолжи офанзивата до „тотална победа“ против Хамас и дека ќе ги врати сите преостанати заложници откако повеќе од 100 беа ослободени во ноемврискиот договор за прекин на огнот во замена за десетици Палестинци затворени од Израел.
Се верува дека Хамас ги држи заложниците во тунели длабоко под земја и ги користи како штит за своите врвни лидери. Израел успешно спаси само еден заложник, додека Хамас вели дека неколкумина биле убиени во израелски воздушни напади или за време на неуспешни спасувачки операции. Тие тврдења не можеа да бидат независно потврдени.