Шпанија објави дека помалку од 2.000 луѓе починале од последиците од инфекција со коронавирус во таа земја отколку што се сметало порано.
Министерството за здравство соопштило дека досега од коронавирусот починале 26.834 лица, а не 28.752, како што било објавено во неделата.
Бројот на починати е ревидиран при верификацијата на собраните податоци, кога службените лица ги избришале смртните случаи што биле пресметани двапати по грешка, како и смртните случаи кај кои инфекцијата не била утврдена со тестирање.
Официјалните бројки не вклучуваат илјадници луѓе за кои се верува дека починале со симптоми на коронавирус, особено во старечките домови.
Министерството соопштило денеска дека 50 луѓе починале во претходните 24 часа во Шпанија, што е најмал број на починати во еден ден од 16 март.
Регистрирани се 246 новозаразени лица, со што се зголемил вкупниот број на позитивни во Шпанија на 235.400.