Си кон Шолц: Кина и Германија треба да бараат заеднички јазик, без оглед на разликите

Кинескиот претседател Си Џинпинг изјави денеска дека врските на Кина со Германија ќе продолжат цврсто да се развиваат, се додека двете страни меѓусебно се почитуваат и бараат заеднички јазик, и покрај разликите што постојат.

Си на средбата со германскиот канцелар Олаф Шолц, кој е во тридневна посета на Кина, рече дека билатералните односи мора да се развиваат во секој аспект, од долгорочна и стратешка перспектива.

„Се додека двете страни меѓусебно се почитуваат, бараат заеднички јазик, одржувајќи различни ставови за одредени прашања, комуницираат и учат едни од други и постигнуваат заемна корисна соработка, односите меѓу Кина и Германија ќе продолжат постепено да се развиваат“, рече Си.