Иако со денови се шпекулираше дека Кристијано Роналдо би можел да ја продолжи кариерата во Манчестер Сити, тој договор нема да се случи.
Имено, „граѓаните“ се откажаа од Кристијан. Тие се повлекоа од преговорите, пренесува Фабрисио Романо, познат фудбалски новинар.
Сепак, тоа не значи дека Роналдо повеќе нема да биде во Манчестер, бидејќи Јунајтед подготвува понуда за поранешниот фудбалер.
Да потсетиме, Роналдо одби да тренира со Јувентус, па прашање на време е кога ќе следи трансферот.
Португалецот го носеше дресот на „старата дама“ три сезони, но летово одлучи дека е време да се збогува.
Тој веќе се прости од поранешните соиграчи и разговарал со тренерот Масимилијано Алегри и управата на клубот.
Роналдо одигра 134 натпревари за Јувентус и постигна 101 гол. Покрај тоа, тој беше асистент уште 22 пати, а сега сака да се врати во Премиер лигата.
Последен пат играше во Англија во сезоната 2008/2009, бидејќи по крајот на таа сезона се пресели во Реал Мадрид за тогаш рекордни 94 милиони евра.
Manchester United are preparing their official contract proposal to Cristiano Ronaldo! Jorge Mendes will receive it soon. Man Utd are “confident” now. 🔴🇵🇹 #MUFC #Ronaldo
Paul Pogba is currently not involved in any talk. Man City are OUT of the race for Cristiano Ronaldo. pic.twitter.com/Ay4GUZfduS
— Fabrizio Romano (@FabrizioRomano) August 27, 2021