Претседателот на Светската здравствена организација, Тедрос Аданом Гебрејесус, му пишал на Претседателството на БиХ за моменталната состојба во врска со набавката на вакцини против коронавирус и ги информирал дека Ковакс системот ќе испрати вакцини штом Босна ги исполни условите на Фајзер.
Во писмото, до кое до увид дошол порталот „Кликс.ба“, Гебрејесус му честитал на Претседателот на Претседателството, Милорад Додик, за подготовките што БиХ ги направила за да ги исполни барањата на компанијата Фајзер и системот Ковакс.
Тој известува дека се договорил со извршниот директор на Фајзер Алберт Бурла дека компанијата ќе го извести доколку има проблеми со испраќањето на вакцини и дека Бурла го уверил дека Фајзер ќе започне со подготовките за испорака на вакцината купена преку Ковакс системот во Босна и Херцеговина штом Владата потврди дека земјата учествува во програмата за надомест на грешките, утврдени од СЗО.
Претседателот на СЗО во писмото вели дека верува дека ова ќе доведе до почеток на имунизацијата во наредните недели, а порталот Кликс потсетува дека пред три дена БиХ била информирана дека испораката на вакцини преку Ковакс е одложена поради проблеми со исполнување условите поставени од Фајзер.