Тинејџер со нож упаднал во училиште во Русија, избодел четворица: момчето (15) било сопрено од вработените во училиштето

Четири возрасни лица утрово се полесно повредени кога тинејџер ги нападнал со нож во селско училиште во Ростовската област во јужна Русија кога се обидел да влезе во училишната зграда, соопшти началникот на регионот Василиј Голубев.

Голубев на Телеграм напиша дека маскирано 15-годишно момче со нож ранило четворица возрасни, меѓу кои тројца вработени во училиштето и роднина на ученик во селото Красни Десант, но дека ниту едно од децата не е повредено, пренесе ТАСС.

Началникот изјавил дека напаѓачот бил спречен од присутните и дека се испоставило дека станува збор за ученик во деветто одделение со ментална болест.

Истрагата за случајот е во тек.