Технолошкиот центар Шенжен на југот од Кина ќе забрани конзумација на кучиња и мачки, додека земјата забранува трговија со диви животни кои се сметаат за можен извор на коронавирус, јавува Ројтерс.
Градските власти составиле листа на меса кои се дозволени за јадење, а таа ги вклучува свинско, пилешко, говедско, зајачко месо, риба и морски плодови.
-Забраната за конзумирање на диви животни е вообичаен пракса во развиените земји и универзално барање на модерната цивилизација, соопштија властите.
Научниците се сомневаат дека новиот коронавирус е пренесен од животни на човекот. Први личности кај кои е потврдена заразата биле на пазарот за диви животни во Вухан во покраината Хубеи каде се продаваат лилјаци, змии и други животни.
Градските власти кучињата и мачките ги категоризирале како домашни миленици и ја забраниле нивната конзумација. Ќе биде забрането да се јадат змии, желки и жаби, иако се омилен оброк на југот на Кина.