Денес, ќе имаме уште поголем број на заразени лица од коронавирусот, рече претседателот на Србија, Александар Вушчќ, кој е во посета на Бања Лука.
Белград и Нови Сад, вели тој, се жаришта создадени како последица на протестите. Го знаевме и очекувавме тоа, рече Вучиќ.
Се надевам дека ќе го надминеме овој најлош период пред крајот на оваа недела.
„Исто така, очекувам до сабота да го завршиме тоа одложување во откривањето на резултатите од тестовите. Најмногу тестираме, девет пати повеќе од другите во регионот. И ќе тестираме повеќе“, рече претседателот на Србија, додавајќи дека резултатите се очекува да пристигнуваат за 24 часа.
„Ќе ја завршиме нашата работа, а остатокот зависи од луѓето и нивните одговорности“, рече Вучиќ, додавајќи дека има две важни вести за граѓаните на Србија.
Првата, како што вели, е дека Србија е во преговори со земја која развива вакцина против коронавирус и дека се надева дека ќе ја добиеме таа вакцина пред крајот на оваа година.
Втората работа, како што вели тој, сакал да им каже на граѓаните на Србија е дека никаде во светот не е лесна ситуацијата, но дека е полесна во Србија од каде било на друго место во Европа. „Луѓето треба да ги трошат своите пари слободно затоа што нема да им недостасуваат пензии или плати“, рече тој.