На свеченоста во чест на модната куќа Долче и Габана во Милано, актерката Деми Мур го покажа целиот раскош на својата убавина, блескајќи во проѕирен фустан збогатен со светки.
Познатата холивудска дива на 61-годишна возраст не бега од вакви смели дизајни, а со оглед на тоа колку добро изгледа, сосема е јасно дека изборот на фустан беше целосно погоден.
Во согласност со приликата, целиот стајлинг доаѓа директно од студиото под раководство на Доменико Долче и Стефано Габана, вклучувајќи го и овој прекрасен макси фустан обложен со блескава, проѕирна мрежа од светки, елегантно откривајќи црна долна облека одоздола.
Деми Мур го комплетираше својот стајлинг со вртоглаво високи црни чевли, минимална шминка и нејзиниот потпис – пуштена, долга кафена коса.
На настанот и се придружија бројни ѕвезди од А-листата, како Шер, Наоми Кембел, Хелен Мирен, Изабела Роселини и Лупита Нионго.