Тој живее одвоено од неговите деца откако неговата отуѓена жена Анџелина Џоли поднесе барање за развод на 19-ти септември. Но Бред Пит бил во можност да се види со неговите деца, за прв пат по непријатната разделба, пренесува списанието “People”.
52-годишниот актер и неговата 41-годишна жена, постигнаа привремен договор во врска со старателството врз нивните деца откако тој беше обвинет за вербално и физичко злоупотребување врз нивниот син Медокс, за време на приватен лет.
“Бред ги сака своите деца повеќе од се на светот и тие му значат повеќе од било што на него. Тој ќе направи се што е потребно за да биде со нив, сега и секогаш” изјавува извор за “People”.
Пит се согласил на доброволен план, препорачан од Одделот за деца и семејни служби, во кој се вклучени надгледувани посети со неговите деца, терапија и тестови за дрога и алкохол.
Според условите на договорот, најверојатно, бил присутен и терапевт за време на посетата на неговите деца. Привремениот аранжман за старателство истекува на 20-ти октомври што значи дека тие повторно треба да преговараат. Анџелина Џоли бара целосно старателство додека пак Бред Пит сака заедничко.