Бомбите на Заев ја открија наводната тајна желба на Груевски да се вози во екстра луксузен Мерцедес, но испровоцираа и контра удар. Лидерот на СДСМ со снимка на Јутјуб е компромитиран за наводно мито.

Луксузен Мерцедес од безмалку 600.000 евра во кој ќе се вози Груевски, местени милионски тендери за блиски фирми на власта, бизнис тендерски релации во владината коалиција ВМРО ДПМНЕ-ДУИ. Содржината на последните т.н. опозициски бомби кои според лидерот на социјалдемократите откриваат нови докази за незаконското работење на власта и мегаломанските апетити на премиерот Никола Груевски, според експертите е безмалку шокантна:

„Ние сме буквално шокирани од она што го слушаме. Посебно за луксузниот мерцедес, внимавајте, каков што немало во Југоисточна Европа. Па погледнете ја цената што е платена за ваквиот луксуз. Шокирани сме како со леснотија се плаќаат толкави средства од народните пари за луксуз. За каква работа се двои од лебот на граѓаните. Ако државата решеше овие пари наместо за луксуз да ги насочи кон сиромаштијата, верувајте дека стапката ќе беше многу намалена, и тоа реално намалена, а не како што се прави преку штелувани статистички податоци. Ова е само уште една шокантна потврда за злоупотреба на власта, кршење на законите, водење на антисоцијална политика од страна на оваа владејачка гарнитура. Затоа велам, ова е причина плус да опстоиме на барањето за оставка на владата“, реагира за Дојче веле Здравко Савески од здружението „Солидарност“, чија цел е обебзедување социјална правда.

Повеќе ТУКА